Кәсіптік бағдарлау – болашаққа қадам 
Мемлекет басшысы 2025 жылды – «Жұмысшы мамандықтар жылы» деп жариялады.Бұл бастама жастардың еңбекке деген көзқарасын жаңғыртуға, экономика мен өндірісті дамытуға бағытталған маңызды қадам. Қазіргі таңда жұмысшы мамандықтарының маңыздылығын түсіндіру мақсатында түрлі шаралар ұйымдастырылуда.
19.03.2025 ж.Шымкент Индустриалды-техникалық колледжінің оқытушылары Мырзахметова Наргиза Каримовна мен Туреева Айгерим Кулмаханбетқызы Шымкент қаласының №54 жалпы орта білім беретін мектебінде 9-11 сынып оқушыларымен кездесу өткізіп, кәсіптік бағдарлау жұмыстарын жүргізді.
Кәсіптік бағдарлау дегеніміз не?Бұл – жастарға болашақ кәсібін таңдауда бағыт-бағдар беру, олардың қабілеттері мен қызығушылықтарын анықтауға көмектесу. Мұндай кездесулер арқылы оқушылар:
Қазіргі еңбек нарығындағы сұранысқа ие мамандықтар туралы ақпарат алады; Өз бейімдері мен дағдыларын анықтайды; Кәсіби мақсаттар қоюды үйренеді.
Шымкент Индустриалды-техникалық колледжі – еңбек нарығына қажетті мамандарды даярлайтын заманауи оқу орны. Біздің студенттер теориялық біліммен қатар, практикалық дағдыларды да меңгеріп, оқуын аяқтаған соң жоғары сұранысқа ие маман болады.
Біз келесі бағыттар бойынша білім береміз: Машина жасау технологиясы Технологиялық процесстерді автоматтандыру және басқару Электржабдықтары Дәнекерлеу ісі Сандық ақпараттарды қайта өңдеу маманы Автокөліктерді жөндеу слесарі Автокөліктің электр құрылғыларын жөндеу жөніндегі электрик
Егер сіз заманауи, сұранысқа ие мамандық игеріп, болашағыңызды жарқын еткіңіз келсе, Шымкент Индустриалды-техникалық колледжі сізді күтеді!
Бізбен бірге – болашаққа нық қадам!
